Ngā Tupu
_edited.jpg)
Tawhai āta ako
Mā te whakapōturi i ngā ākonga te kaiako e āhei te āta whakarite i ngā ngohe e hāngai pū ana ki te whanaketanga o te mātauranga o te tamaiti. Ka para hoki tēnei āhuatanga ako i te ara o akoranga matomato, matapakinga pūmau, ka mutu, te whakahāngai i te akoranga ki te aro, ki te tūhuratanga a te tamaiti, waihoki, te whakarite he taiao tīrewa e poipoi i ēnei akoranga wheako.
Arotahitanga
Ko te mātua o te mahi me te tokoiti noa atu, he whakapiki i te kounga o te manaakihia, o ngā whakaakoranga, e āhei tonu te kaiako te aronui ki ia ākonga ka tika. Mā tēnei whakaritenga e heke te whakapōrarurarutanga tamariki me te whakapūmau i te poipoihia, i te aronuihia o ngā tamariki e te kaiako.
Ara Tūhura
I te mea he iti iho te whakapūmautanga ki ngā hātepe o te rā, e āhei te kaiako te aronui ki ngā kaupapa whaipānga nui ki ngā tamariki, e tupu ai he taiao mātauranga urupare e hāngai pū ana ki te tākaro tene me te tūhuratanga. E hāngai ana tēnei āhuatanga ako ki Te Whāriki me te katoa o te whanaketanga me te ako mā te whēako a te tamaiti, hāunga te ū marika ki tētahi hatepe.
Poipoi whanaketanga
Ko te poipoi i roto i te horopaki o te Puna reo he momo poipoi i te katoa o te tamaiti, i tua o te whanaketanga a mātauranga, he whanake ā-rongo, ā-tinana, ā-wairua hoki. Mā te whakatinana i te manaakitanga te kaiako e hanga he taiao aroha nui e whakanui ana, e whakakaha ana i te tuakiri a ngā tamariki, te taunaki i tō rātou toiora me tō rātou whanaungatanga.
Mā tēnei āhuatanga ako e tipu ai he whakaute nui mō ngā tamariki e noho tangata whenua ana ki ēnei whenua, ā, e whenua ai ngā uara o Ngāti Whātua Ōrākei me te tīrewa i te motuhaketanga o tēnei ara whanake ki roto i ngā akoranga tuatahi a te tamaiti.
