Ko wai mātou?
Mō Mātou
He hapū a Ngāti Whātua Ōrākei o te iwi whānui o Ngāti Whātua.
I ranea te ingoa, Te Puna reo o Ōkahukura, i te hāpua o Kaipara, Tāporapora. Koia te tūranga o te whare wānanga o Ngāti Whātua i ōna wā.
Ko Ōkahukura te ingoa o te pūtake o te whare wānanga. Ka whanake te mātauranga, ka eke ki Te Mānuka, ka koke tonu, ka eke ki Manukapua.
Ko Te Puna reo Ōkahukura te ōrokotīmata o te ara ako e whakaritea ana e Ngāti Whātua Ōrākei. Ka mutu, he whakarite i tētahi akoranga Ngāti Whātua mō ngā uri o Tuperiri me ngā whānau marire ki a Ngāti Whātua.
Moemoeā
Ko te moemoeā o Te Puna reo Ōkahukura:
-
kia whai wāhi atu te Māori te angitu Māori ake nei
-
ko te reo Māori, ko ngā tikanga Māori, ko te Mātauranga Māori kia kairangi
-
Te whanake i ngā tamariki kia toa mō ō rātou iwi
Kōrero a te Tumuaki
"Poipoia te kākano kia puawai”.
Melissa Greenwood
Tumuaki
Ko Rangitoto te maunga
Ko Waitematā te moana
Nō Tāmaki Makaurau ahau
Ko Ngāti Whātua te iwi i whāngai taku reo Māori
Ko Melissa Greenwood taku ingoa
Ko au te Tumuaki o Te Puna Reo Ōkahukura
He kaupapa nui Te Puna reo Ōkahukura ki a au me taku whakatipuranga, ā matawhaiaro nei, a ngaiōtanga nei. Nā tēnei Puna reo au i whakatipu ma ii tētahi kaiāwhina, ki tētahi kaiako, tau rawa ki taku tūranga o te Tumuaki. He hiahia nui nōku te hāpai i te whanaketanga o tēnei Puna reo me te ara tipu o ngā pēpi, ngā tamariki me ngā whānau.
He kāhui kaiako, kaiāwhina pakari tō mātou, e kōkiri nei i tō mātou kaupapa. He ūpoko pakaru ki te kaupapa, nanaiore ki te orange tonutanga o ngā tamariki o te Puna reo, me te arahi i ngā akoranga whēako, waihoki, te whakamana i te mana motuhake, ngā aronga motuhake, me ngā momo motuhake o ia tamaiti. Ka mutu, te ngana ki tutuki ngā wawata o tō rātou whānau oti.
I te mea, ko mātou pea te hatepe tuatahi i roto i ngā akoranga mātauranga a ngā tamariki, he hiringa nui tā matou whakatū i ngā pou tūāpapa e tutuki ai rātou a mātauranga nei. Ka tīmata ana ngā tamariki i tō rātou ara ako ki a mātou, he mea whakaū i te whānau katoa, ki te whanaketanga a te tamaiti tonu, tō rātou reo Māori, me tō rātou piri ki te kaupapa o Te Puna Reo Ōkahukura.
Nō mātou te māngari kua piri tata tō mātou Puna reo, ki te iwi o ēnei whenua tonu.
Ahakoa ngā rerenga kētanga o ngā tamariki me ngā whānau, ā-iwi nei, ā-whakatipuranga nei, ā-hapori nei, ā-uara nei, e whakamānawa ana ki ngā kanorau me te kōingo o te whānau kia ako, kia tipu i roto i tēnei Puna reo Ngāti Whātua ake nei.
Ko tētahi o ngā whakamiharotanga o tō mātou Puna reo, ko tō mātou noho hei Puna reo mō Ngāti Whātua Ōrākei, ki runga tonu i ōna whenua. Mā tēnei e kaha kitea ana mātou ki ngā kaupapa o Ngāti Whātua Ōrākei, ki te marae o Ōrākei, ki ngā kaupapa o Ngāti Whātua Ōrākei, ki runga tonu i kaupapa kei ngā whenua o Ngāti Whātua Ōrākei, ka mutu, te haere ki te kite atu, noho tahi hoki ki ngā kaumātua me ngā kuia ki te whakahoahoa wheako me te mātauranga.
E tūmanako nui ana au ka whai wāhi atu mātou ki a koutou me a koutou tamariki e te whānau.